بسم الله الرحمن الرحيم هذي قصيده في صاحب السموالملكي الامير/عبدالعزيزبن فهد ال سعود وفي ذكرى والد الجميع الملك فهد بن عبدالعزيزرحمه الله
يااميرطيبك مايرسم له حدود/حتى الجدي وهوالجدي كل مابان
يقول جعلك دايم الدوم في زود/لانك سفيرالمرجله طول الازمان
كن المراجل بنت واعيونهاسود/واتغازلك وتقول ياطيرحوران
مايلحقك ياسيدالطيب منقود/ومن شاف وجهك يدفن جيوش الاحزان
ويمناك سيل"لادرج يحي العود/يحي هشيما"يرتجي غيث ودان
وطاريك مثل الغيم وامجادك رعود/وابروقه اسمك والتواضع والاحسان
واسمك على صفحات الايام موجود/مايمسحه طول الزمن ويش ماكان
وسياستك في منهج الطيب والجود/ان طيبك يوزع على كل الاوطان
بينك وبين المرجله صك واشهود/واشهودك اللي شافتك شوف الاعيان
الطيب دارك والمعزه لك جنود/وقلبك يبث الخيرفي كل شريان
والكايده في عينك اسهودوامهود/لانك على عكس الزمن كل ماشان
ولنك على الصاحب بساتين وورد/ومن ينتخيبك يعتلي روس ضلعان
ولنك على العدوان شعله وبارود/وسيفا"يقص الروس من فوق الامتان
والمستحيل بناظرك شي مفقود/والمعجزات بشوفتك شانهاشان
وكنك على سطح القمرتطلب الفود/وكن الكواكب تنثيلك على شان
انك سمي اللي على الطايله عود/عودا"حكم شبه الجزيره بشامان
اللي على وضح النقايطلب الزود/واسمه بيوت الحق والسيف ميزان
وسيفه مع اهل الظلم ساطي ومجرود/ولاجل الضعيف ايكسراقفول بيبان
ومن هيبة راس الجبل يصبح احيود/والذيب مايهجم على فرقه الضان
ومن دون بيت الله واركانه يذود/ومجهزا"لحمايته سرج وحصان
وابوك من يركع تحت كفه الجود/فهدفهدعوق المعادي الاخان
واسهيل كانه حالفا"دين وعهود/انهم على ذكرى الحياربع واخوان
يمناه مسك وريح طيب ودهن عود/وفي وقفته موت المصايب والاحزان
يبذل على شان البلد كل مجهود/ومن شان داره يقعدالليل سهران
ياجعله الجنه وياجعله يرود/دارا"مفارشهازمردومرجان
الشاعر عبدالله المري
يستاهل ابوتركي أسأل الله له التوفيق وصلاح النيه والذريه
ردحذف