قالوا توفى في ضحى يوم الاثنين
ودموعنا من قلب طاحت سريعه
فهد رحل عنا وحنا حزينين
فجيعه يا كبرها من فجيعه
هذا قدر ربي وحنا مطيعين
نرضى بحكم الله ودايم نطيعه
بس الحزن بالقلب والدمع بالعين
وده يعبر عن غلاه ويذيعه
للي حكم شعبه على العز والزين
ونفسه على الطولات دايم رفيعه
ماهو من اللي يقلبون الموازين
اللي حكم شعبه بكذب وخديعه
فهد حكم شعبه على الشرع والدين
على كتاب الله وسنه وبيعه
عساه للجنة وخضر البساتين
والمصطفى يوم القيامه شفيعه
وانته يا بومتعب عسى ايامك سنين
الدار في يدك الامينه وديعه
وسلطان أبو خالد كعام المعادين
جوده سحاب ما تغير ربيعه
تركي المريخي
الا يا الله تجبر للشعوب المسلمه بلواه
بكل أوطانها رحماك من أقصاها لدانيها
دهى الحاكم دهى الامة مصاب والكبود أدماه
واخص بلادنا اللي هزّها فقده لغاليها
على فهد العروبة آه واويلاه واويلاه
الا ياليت روحه تنفدي بالروح لافديها
لابيع النفس وأرخصها يمينٍ صادقٍ لافداه
حرام اني على الموت الحمر والله لارميها
لابيعه بيع مرخص والعوض عند الولي نلقاه
اقوله والرجاء باللي بحالي عالم فيها
لابو فيصل تهون الروح لو بعناه وارخصناه
احسّ النار في جوفي كلاني حرّ صاليها
وزاد الهم هم وجضّ قلبي وانهدم مبناه
سحاب الحزن خيم والضماير بان خافيها
ساعة شفت الجموع وشفت عبدالله على يمناه
عضيده نايبه سلطان جعل الله يخليها
نعزّيهم يعزّونا فقيدٍ ياكبر فرقاه
وكل دمع عينه جرّح الخدين كاسيها
الا يالله هونها علينا يا عظيم الجاه
إلهي ضاقت الدنيا عليك الحال نشكيها
تكدر خاطري حاربت حلو النوم واعزاه
ورجلي وان بغيت امشي مسمرة مواطيها
فقيد الدين والامة الا يا صعب ما ننساه
ولو نكتب ولو نقصد حقوقه ما نوفيها
الا يارب يا رحمان تجعل جنتك مثواه
وقبره روضة منها ونور القبر غاشيها
معزّ الدين لو ندعي نهار وليل ما نجزاه
قضى عمره مناضل دعوة التوحيد معليها
عسى من لامنا في حب قايدنا تشل اعضاه
وبيده يطرف عيونه كلا الثنتين يعميها
عزانا والبقى باللي تقلد منصب يزهاه
أبو متعب ملكنا خادم البيتين راعيها
سياسيٍ حكيمٍ ثابتٍ ممشى الفهد ممشاه
إليا شطت بعون الله عبدالله يرسيها
وأبو خالد ولي العهد الا يا ويل من عاداه
زعيمٍ لا سطى يشفيك سور الدار حاميها
هل العوجا حماة الدين الا يا سعد من ينصاه
خذوها فوق سرد الخيل شرع الله مباديها
قيادتنا حكومتنا عسى ربي يذل اعداه
نصادق من يصادقهم نعادي من يعاديها
وصلّى الله على المبعوث رحمه لأمته مهداه
محمد صفوة المخلوق من أولها لتاليها
فهد بن عبدالعزيز الرميان
يوم الأثنين اعتراني حزن والقلب بهجاد
يوم قالوا يا بنيّه ودع الفهد الرشيد
قمت من نومي .. أردد هو صدق راح العماد
راح من يحمي دياري بشرع ربي ما يحيد
ودع الفهد .. وتنهد خاطري والهم جاد
بالدموع اللي تبرد خافق القلب الطريد
الشعر حار وتقدم .. و اكتسى الحزن البلاد
و القوافي اتعبتني وينكم يا أهل القصيد
وين قيفان المشاعر وين شجعان الزناد
وين من يلفي يشارك محبري نبض الوريد
لا نخيت الحرف عاند .. و لا غصبته بالعناد
وقف حبره في وريده وانتفض كفي العنيد
و لا نخيت القلب يجمد .. و يتصبر ما استفاد
دام دمعي في عيوني يشتكي الحزن الشديد
قلت أهدي ذا الحبيبه .. واكتسى العين السواد
ويوم جيته سلهمت لي بالعيون اللي تريد
تبغي الخل المسجى بالكفن .. فهد الجلاد
صاحب الراي السديد ولد شيخ ٍ مستزيد
استزاد بطيب ذكره والدعاء وجل العباد
لا ذكر فهد العروبه ترفع الصوت بنشيد
هو أبو الطفل الميتم .. هو خدم طيبه و زاد
يمها مكه وصار خادم البيت المشيد
ما ألومك يا الحبيبة لو عناك اليوم ساد
كل شبر ٍ من ديارك يبكي الفهد و يعيد
يا سعوديّه تحلي بالصبر .. و الصبر قاد
من تحلى به لدار الخلد و الخير المديد
أدري الفقد لفهدنا .. صاب عينك بالسهاد
و أدري إنك يا بلادي تبكي الفهد الفقيد
و أدري إن بكل شارع .. ملحمة حب و نفاد
و أدري إن بكل مسجد صلوا العصر بهجيد
و أدري إن اللي تعلى منصبك شيخ الشداد
ذاك أبو متعب صليب الراي ما مثله فريد
و أدري إن الموت حق ٍ و البلا فقد العتاد
لا وضعنا بالمقابر وانتهى العمر المديد
لكن أطلب من وليي رحمة ٍ تكسي الغماد
و تنتثر من مزن خير ٍ يم قبر ٍ بالجريد
يم قبر ٍ في رياض الخير و الخير الوكاد
داخل العود متواري بالثرى والقبر شيد
بقلم
دلال الشمال
تبكيـك ياخـادم البيتـيـن بيتيـنـك
والبيت الاقصى تخالط دمعـه ودمـه
يبكيك الاسـلام والسيـف وميادينـك
تبكيـك الاحـلام والايتـام والامــه
يبكيك جودك وغرسك فـي بساتينـك
يبكيك طفلِ رضيـعِ شاخـصِ فأمـه
يبكيـك مليـار مسلـم دينهـم دينـك
يبكيك حكام الارض وكرسـي القمـه
وتبكيك الامجاد والاحفـاد و اثنينـك
وتبكيـك الايـام والاقـلام ملتـمـه
يبكيك ثار العرب لاقصـى فلسطينـك
والاندلـس وآخـر الشيشـان منغمـه
تبكيـك حكمتـك وسياستـك ويقينـك
يبكيك غصن السلام وكـل ذي ذمـه
يبكيك الاحسـان والعـدل وموازينـك
يبكيك الايثـار و الاقطـار والجمـه
يبكيك اذان الصـلاة ورَفعـة أيدينـك
يبكيك بيـت الزكـاه ورِفعـة الهمـه
تبكيـك الاجـزاء و الايـات يبكينـك
يـس والذاريـات اليـا جـزء عمـه
تبكيـك سجادتـك وتحـن لأميـنـك
تبكيك دمعة خشوعك وينهـزع كمـه
يبكيك ضاد اللغـه والحـق وسنينـك
ويبكيك الانصاف والايمـان والذمـه
الجمعـه القادمـه تسـأل عنكوينـك
مثل صلاة الظهر يـوم انقلـت همـه
خاتمك مـن كثـر مايغليـك فيمينـك
عانه مع اصبعك في وسط الثرى ضمه
يبكيـك والله حتـى اخـر محبيـنـك
والله وأبكيـك انـا ياقـايـد الامــه
للشاعر / عبدالله بن حديجان
على ذااااك الغمام اللي... سكن.. وسط العيون بحور
رفع يّده.... توجـه لـك.. دعـاك.. وقـال يـا ألله
حزن/ فرقى....الم/حسره..حشى ما بالشعور شعـور
ذكرت....ومالقيت إلا.. جيـوش دمـوع ...مُحتلـه
اطيح / آقف....اطيح القى... مناديل الدمـوع قبـور
يموت الكيـف.. وش يجبر..عـزا الفنجال..والدلـه
متاهات الحـزن لجّت...بكـى عقـد العطـا منثـور
زوايـا ..جاثيه..إيه...الزوايـا.. حيـل... مُختـلـه
عرب/عَجم...بها ضاقت.....ضلوع.. وخاطرٍ مكسور
ضلوعٍ حدب.. وقلـوب لمواجعنـا ...غـدت سلـه
ابكتب مالقيت..الا.... بحـورٍ كـل ابوهـا قصـور
بحور... الشعر...ماتقـدر شعـور القلـب تاصلّـه
وانا واحد.. من العالم...اصـارع... واقـعٍ ممـرور
واشوف الكون من حولي... رمـوش عيـون مبتلـه
رحمـك الله يـا تاجٍ....علـى راس البسيطه..نـور
غيابك..فاجـعـه لكن....عـزانـا فـيـك عـبـدالله
وعلى ذاك الغياب اللي... زرع كل الخدود . صدور
مسح خـده.. رفـع يدّه...دعـاك... وقـال يـا الله
للشاعر / فالح السويلمي
أزال أحد مشرفي المدونة هذا التعليق.
ردحذفكرم منكم إضافة حروفي للمدونة
ردحذفلاعدمتكم
دلال الشمال