عبد الرحمن بن مساعد
يالله يـامـنــزل تــبــارك والأحــــزاب
والكهف والاسـراء والزخـرف وهـود
يالغـافـر الـرحـمـن يـــارب الأربـــاب
مـا غيـرك بهالكـون خـالـق ومعـبـود
ياللـي جعلـت لكـل أجـل عنـدك كتـاب
ياجامـع الثقلـيـن فــي يــوم مـوعـود
أجبـر عزانـا فـي ابونـا الــذي غــاب
فهـد مليـك قلوبنـا فــي ثــرى الـعـود
أستغـفـرك يـــارب لا زلـــت مـرتــاب
وأقــول عـلّـه غـايـب أيـــام ويـعــود
قــدّرت يـاربـي ومــن اّمــن انـصـاب
وهـول المصيبـة كـل مالـه بنـا يـزود
أقفـل عليـنـا الـحـزن بــابٍ ورا بــاب
وللصـبـر والسـلـوان درب ومـســدود
راح الـحـبـيــب وقــطّـــع أحـــبـــاب
راح الـذي بـه حالينـا سهـود ومهـود
راح الــذّي قــد ضــم داره بـالأهــداب
وقطـب لهـا مـن كـل خيـرات عنـقـود
راح الذّي يامـا عتـق واخضـع رقـاب
راح الـذّي ظلّـه علـى النـاس مـمـدود
راح العظيـم العبـقـري تــاج الألـبـاب
راح الشجاع الصـادق الشامـخ الطـود
راح الـذي مجـده بقـى وذكـره انسـاب
عـطـر زكــي سـرمـدي دوم مـوجــود
راح الذي يشهد لـه اعـداء وأصحـاب
بالـعـزم والاقــدام والـعـقـل والـجــود
راح الذي لامـن غضـب ..الكفـر تـاب
ولا من رضى حتى الجدب ينبت ورود
راح الــذي غـيـثـه عـمـيـم وصـبّــاب
لا مـن عطـى أغنـى وخـلاك محـسـود
نواف بن فيصل بن فهد
عابـس وجـه الجزيـرة .. عابـس وجـه الـوطـن
والقوافـي لــو تـبـي تـوصـف وجعـنـا ماتطـيـق
راح تـاج الـدار وإستـولـى عـلـى الـكـل الـحـزن
وتاهـت خطانـا مـن العـبـرات وإحـتـار الطـريـق
غاب أبو فيصل .. و .. فيصل غاب وإعتلّ البدن
مـن عذاباتـي وحزنـي والأسـى ياكيـف أفـيـق ؟
انتـهـى حـرفـي ولا أدري وش أسـطـر يـازمــن
الرحيل أدمى الخفوق وزاد ضيـق الصـدر ضيـق
عـاهــل تبـكـيـك عـيــنٍ دمـعـهـا حـــرّق وجـــن
مـن رحـلـت وكــل شــئ يشـهـد بــإرث عـريـق
بأرضنـا تشهـد رمــال وبالسـمـاء تشـهـد مــزن
وبالمـلا تشهـد نـفـوس وبالـغـلا يشـهـد صـديـق
كنت كـف الجـود تعطـي بـذا الوجـود بـدون مـنّ
وكنت من يضوي شموع السلـم ، ويلـم الحريـق
سيـرتـك تـاريـخ عــز وكـنـز أبــد مـالــه ثـمــن
زاخــــر بالـمـكـرمـات وبالـمـعـانـي والـرحـيــق
الـــــوداع .. ولا وداع ولا يــواريـــه الــكــفــن
مـجـدك الـلـي شـادتـه يمـنـاك يـالـحـر الطـلـيـق
يرحـمـه ربــي عــدد مـامـر لـيــل ومـــا سـكــن
العظـيـم الـلـي ضــوا أرواحـنـا نـــور وبـريــق
وياعسـاه بجنـة الـفـردوس فــي روضــة عــدن
فــي ظــلال الـعـرش دوم والـنـعـم بالله رفـيــق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.